Popular Bible Verses from LIZULIZA 10

Share

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi, kandi muhuliri malago geege goosi, nimiima jije josi iga mbana ku munyi kalunu kulwu vulahi vwinyu aveene.

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Kunangwa kutura kalunu muve avahuliri ku Yahova kandi mutava vikirage mba.

Akolaa zinguru kolola ndi avavisandu na vakunzakali valindiywi keleng'ani; kandi ayaanza avageni navaha viukulia nezinguvu.

Mumwizominyi, aveeye Nyasaye winyu, niyie wamukolera vindu vinene kandi viokogenyia yivi viamumali kolola nizimoni zienyu munyi aveene.

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

Kunangwa, muyanze avageni kigira munyi kandi mwaali vageni mu kivala cha Egebeti.