Popular Bible Verses from Vakolosai 1

Share

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe

kigira vindu vyosi vya lombekera muye, vyomigulu nevya hasi, vi lolekanga ne vi ta lolekanga, ni vi veye ho visako vyobwami, kinga lyameha, kinga ubunene, kinga tsingulu; vindu vyosi vya lomberwa mu uyu, kandi kigira mwene uyu.

Naye a veye imbiri wevindu vyosi, kandi vyosi vi hambana halala muye.

Naye a veye ligondo lya Nyasaye u ta lolekanga, watanga-kwivulwa ku vilombe vyosi

Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho, nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.