Popular Bible Verses from Matayo 6

Share

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

Mwinye mu saale ndi; Dada wetu u veye migulu lietalilyolidzominywe. Ubwami bubwo budze. Ubulaliri bubwo bu kolwe mu lirova muno kuli bu kolwa migulu.

Lero u ku he vyokulia vyetu vya kase.

U ku samehe magovi getu, kuli kwinye ku sameha avamagovi getu.

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Kigira mwinye ni mu sameha vandu mahyolo gavo, Dada wenyu womigulu a la mu sameha.

Mu henze amanyonyi ge igulu, si ga taga, kandi si ga gesa, kandi si ga tera mkidera; na Dada wenyu womigulu a ga lihidzanga. Mwinye si mu veye avalahi ligali kuvita yaga?

Mu tivikira tsikiba mu lirova, he tsisere netsisisinia tsyononnya kandi ha avivi vigulira ni viba: navutswa mwivikire tsikiba migulu, he tsisere netsisinia tsi tononnya, kandi ha avivi va tigulira ni viba: kigira ha tsikiba tsitsyo tsi ve yo, kandi mwoyo gugwo gu la va ho.

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Nyasaye na a va ni yavala ndiyo ubulimu bwemilimi, bu veye ho lero, na mugamba bu tebwa mkisambiru, nasindi a lavala mwinye, Mwinye avelisuuvira likekeke?

Navutswa lwa u twulidza tsisadaka, u ta leka mkono mmosi gugwo gu manya vyomkono mulungi gu kola: tsisadaka tsitsyo tsi ve mbuvisi: kandi Dada wowo u lola mbuvisi a la ku ha madanyi.

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo. Navutswa ive, nu u honga lilia, wivake maguta mmutwe, wisave mmoni; u ta loleka ku vandu u hongi lilia, navutswa u loleke ku Dada wowo u veye mbuvisi: na Dada wowo u lola mbuvisi, a la ku ha madanyi.