Popular Bible Verses from Matayo 5

Share

Kandi avandu si va hambidza itaya va gi kunike mu kihinda, navutswa va gi vika ku meza; ni i mulika ku vosi ava veye munyumba. Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Mwinye mu veye ubulavu bwelirova. Lidala li veye mkigulu si li nyala kuviswa mba.

Va veye nobugasu ava veye nemyoyo milavu: kigira va la lola Nyasaye.

Va veye nobugasu ava veye nenzala nobuluhu bwobulungi: kigira va ligutidzwa.

navutswa inze mmu volera, Mu yanze avasigu venyu, kandi mu saavire ava mu dambidza

Va veye nobugasu ava li nobudaka mmwoyo: kigira ubwami bwomigulu nu bwavo.

Va veye nobugasu avaloombi ve mirembe kigira va la langwa avana va Nyasaye.

Va veye nobugasu ava veye neliverera: kigira va la leminnywa mmyoyo.

Va veye nobugasu ava kupidzwa kivi kigira ubulungi: kigira ubwami bwomiguiu ni bwavo.

Va veye nobugasu ava veye netsimbabasi: kigira va la verwa tsimbabasi.

Mwinye mu veye nobugasu, lwa va li munyega nokumukupidza kivi nokumubehera amakuva madamano gosi kigira inze. Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.

Va veye nobugasu ava veye nobuhooma: kigira va la va nemiyandu gyelirova.

Mwinye mu veye munyu gwelirova: navutswa munyu ni gu zangalala, gu la kolwa ndi kandi munyu? Si gu veye kindu kandi, navutswa gu tebwa kyova nokuduvagwa ne virenge vyavandu.

Mu veye avadukanu kuli Dada wenyu womigulu a veye mudukanu.

Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.

Mwa hulira, ga volwa, imoni u vanza imoni, lino u vanza lino: navutswa inze mmu volera, Mu ta hangalidzana nomudamano: navu tswa ku vosi u ku duya ku lusaya lwomukono mulungi u mgirunkanyire lundi.

Imoni yoyo yomukono mulungi ni i kwikigitalidza, u gi twulidze, u gi te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutebwa mu gehena. Mkono mulungi gugwo ni gu kwikigitalidza, u gu kalage, u gu te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutsia mu gehena.