Popular Bible Verses from Vakolosai 2

Share

Kunangwa kuli mwa vugula Kristo Yesu Mwami, mu gende ndiyo muye, mu ve nemiri, kandi avombakeywi muye, nokuvikwa tsingulu mu lisuuvira lyenyu, kuli wa mwegidzwa nokukiridza lisantidza lyenyu.

Mu henze bulahi gase mundu ku vosi a la mu lanyera ku ubugeeri bwomkivala nobugadi bwa vutswa, ku tsing'ano tsyavandu noku megidzo golugano lwelirova, ga ta li ku lugano lwa Kristo.

Mwinye mwa li mwa kudzera mu lihyola lyenyu, nomu livula kukevwa lyemibiri gyenyu, vee, ya mu ha livamwoyo halala naye, lwa ya mala kukusameha mahyola getu gosi; u twulidzi lilaga lya ng'oderwa kwinye mu malago, lya hing'ana nekwinye: kandi u li sundi ha luvega, u li bambi nemisamari ku musalaba gwigu e.

Kigira ubudukiru bwosi Obwanyasaye bu menya muye ku mubiri, kandi mwinye mu dukidzireywi muye u veye mutwe gwobunene bwosi netsingulu tsyosi.

Kunangwa ku vosi mundu a ta mu kalagira ku vyokulia, kinga ku vyokunwa, kinga ku lidiku lyelilia, kinga ku lilonda mweli, kinga ku lisabato: vindu yivi vi veye kiriri kyevindu vidzanga; navutswa mubiri gu veye gwa Kristo.