Popular Bible Verses from 1 Vakorintho 12

Share

Navutswa sa mulala a hebwangwa livuula lya Roho kigira likonyana.

Mwinye mu veye mubiri gwa Kristo, kandi sa mulala mu veye vivero kugwo.

Kandi kivero kilala ni ki salira, vivero vyosi vi salira halala nakyo; kinga kivero kilala ni kidzominywa, vivero vyosi vi sangala nakyo.

Kigira mulala a hebwangwa ubugeeri ku Roho; nowundi a hebwangwa limanya, ku Roho zana: wundi a hebwangwa lisuuvira, ku Roho zana; wundi a hebwangwa vihaanwa vyokuhonnya valwaye, ku Roho zana; wundi a hebwangwa likola miyinzi gyetsingulu; wundi a hebwangwa ubuprofeti; kandi wundi a hebwangwa limanya roho: wundi a hebuangua tsing'ano tsyetsinimi; kandi wundi a hebwangua ligirunkannya tsinimi

navutswa amakuva yaga gosi Roho zana a kolanga, nokugavulira vosi sa mulala lugano lugano kuli ga a yanza.

lyavukana li ta va ku mubiri, navutswa vivero vyosi vi dendane vyene na vyene.

Ha veye netsing'ano tsyevihaanwa, navutswa Roho a veye mulala. Kandi ha veye netsing'ano tsyobu tumwa, kandi Mwami a veye mulala. Kandi ha veye netsing'ano tsyeliyinzira, nawtswa Nyasaye a veye mulala, u kolanga vindu vyosi mu vosi.

Kandi Nyasaye ya vika avalala mu livugana, vokutanga avatumwa, avakaviri navaprofeta, avakavaka va veye avegidzi, kandi likola miyinzi gyokugenya, kandi vihaanwa vyokuhonnya avalwaye, kandi ubukonyani, kandi lya meha, kandi tsing'ano tsyetsinimi.

Kigira mubiri si gu veye kivero kilala, navutswa gu veye vivero vinyingi.

Auwa, nu bulahi ligali, vivero yivyo vyomubiri vi lolekanga kuva videdekere kuvita vyenyangwa ligali

Mubiri gwosi ni gu va imoni lihulira li veye haliha? Mubiri gwosi ni gu va ugutu, lifunyiridza li veye haliha? Navutswa kalunu Nya saye u viki vivero si kilala ku mubiri kuli wa a yanza. Kandi vivero vyosi ni vi va kilala, mubiri gu veye haliha?