Popular Bible Verses from 1 Vakorintho 11

Share

Kandi ndiyo ya vugula kikombe, inyima yevyokulia na a vola, Kikombe yiki ki veye amalago mahya mu masahi gange: tsinyinga tsyosi, mu nwedza, ni mu va ni mu kole kwidzulitsa inze. Kigira tsinyinga tsyosi tsya mu lagira ubukima yibu, nokunwa kikombe, mu lang'aminya likudza lyo Mwami kuduka inyinga ya a lidza.

Kigira nda vugula ku Mwami yiki kya nda ha mwinye, kuli Mwami Yesu mu budiku yibwo bwa ya zamwa ya vugula ubukima; kandi lwa ya mala kusantidza ya megannya, na a vola, Yibu nu mubiri gwange gu meganyiranywa mwinye: mu kole ndi kwidzulitsa inze.

Navutswa mundu yegeridze nandiyo a lie ku bukima nokunwa ku kikombe. Kigira uyu u litsanga nokunwa, a litsanga nokunwa likalagirwa lilye mwene, na a ta manyiridza mubiri.

Kigira yaga ku vosi u lagira ubukima yibu nokunwa kikombe kyo Mwami halala ni miima gyi ta li milahi, a veye nelikalagira lyomubiri nelya masahi go Mwami.

Duke hiuhonnywa. Mu ve avegi ku inze kuli inze mbeye mwegi ku Kristo.