Popular Bible Verses from IBRANI 13

Share

Ara pombolum'kam tongowasa, bain sinta ahkan duit, tahpi hondakrih ihkam sukup umba inon ijo anai aang'kam. Kotului Pohotala ius nuhtui, ‘‘Ahku eam mohonau ata'ai ahkan nohtah ihko.’’

Yesus Kristus tohtap sama, pios lomoi, uhuntuh, tutang nyiring turus-jahamoh.

Tului rih ihto bohanyi nuhtui, ‘‘Tuhan orih rih anai Pondohop'ku ahku eam mihkoh. Inon ijo tou ulun nguai toharep ahku?’’

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

Paring ulun harus nunjuk sikap horomat, toharep pongawin, orih kotuluioh hondakrih bosai-oruh, te'et ihco sama'jobohkon. Ulun ijo kihal tutang ulun ijo hobandung, ahkan tomosara bain Pohotala.

Ara mihkoh norima ang lohpou'mu ulun-ulun ijo jaha ihkam kosono. Tului honong nguan ijo kolourih, pu'u ulun, earo ngorondongoh, jari norima molehkat ang lohpouoh.

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto. Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.