Popular Bible Verses from YAKOBUS 1

Share

Konduang-konduang! Amat ihkam nyuru mahca-mahcam ujian, hondakrih ihkam komo borutung. Bain ihkam ta'an, ijo amat ihkam tohtap porocaya umba Tuhan ang ohkot nyuru ujian, akibatoh, iorih; ihkam monjadi tabah.

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

Jagarih mangat kotabah ahtoi'mu rih, turus mondahang nyiring ihkam tu'u-tu'u soporuna, hawui eam kotahpas a'ang hal inon ka.

Kohandakrih ihkam nguanrih inon ijo tonuhtui bain Pohotala, ara baya ngonihoh iou, nyiring hawui kolouorih ihkam monihpu arop bongon.

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

Ulun ijo ngonih auh Pohotala, tahpi eam molalusoh, anairih kolou ulun ijo rahat nopahjah bauioh ijo komorongoh ang soramin. Limbah io nopahjahoh pio-pios, io ka'a tulak tutang turus nolingou koloukuwoh bauioh rih.

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

Amat ihcobehti tobujuk bain tihkos ijo mahcam orih, ara io homouh, ‘‘Bujukan tuh lombut tahkan Pohotala,’’ tului Pohotala eam dahpot tonobujuk bain koja'at, tutang eam ka'a nihkos ihcobehti ka. Tahpi ulun ijo tobujuk, amat io tonguhut tutang tojorat bain kojolikoh bongoi ijo ja'at.

Ulun Kristen ijo porosbolum, kopiosoh nginyam kojorih, amat Pohotala ngahtangoh.