Popular Bible Verses from Kem Lingón 119

Share

Yóm kóm udél, Dwata, lómón ke solok tendo gónóhu galak, ne lómón ke layag mò hlayag lanu.

Eles tendo hendemu yó kem hlauhem anì là gemsalae béléem.

Tedu nmoen du yóm logi lomi lemnok anì laen dù belenen yóm gel kmoen? Yó nmoen, nimónen yó kem hlauhem, Dwata.

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

Uu se yóm dou gónó e hles ne dou gónó heklung. Són udélem yóm tendo gónón mefet nawahu.

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.

Benlayem ou óyô mimón du yó kem hlauhem anì là kendengenu du yóm hnebelu.

Tey hyu béléu yóm kehlayamem do anì dnalangu yó kem hlauhem.

Yóm fasadem do yó, yó yóm hmomi klowilu, ne mifa do bè kdê yó kem gónóhu glayam.

Hloloem do yóm lan lemwót bè yó kem hlauhem, yakà bè yó du gónów hligal.

Hol tolokem do, Dwata, anì lolou kdê yó kem hlauhem.

Tey sidek kebà nawahu, hol ten-gelem o mlan bè udélem.

Tey kbong nawaw du yó kem hlauhem, Dwata, seflósu kdaw tendo hemdem kul.