Popular Bible Verses from Kem Lingón 118

Share

Deng ni se yóm kdaw kegmò Dwata bè kem hohon me. Hol tekuy hligal bè yóm deng nmoen.

Tendo nô béléu Dwata, laen kô dù bang knikou. Laen kô dù gmò le béléu yó kem tau.

Bong hyu he yóm smalig bè Dwata senta yóm smalig bè tau.

Bè yóm alì sidek kegnómu du, tmabahe ebè Dwata. Tahu se, bnalaen o, ne lenwaen ou.

Hol tekuy bemlay slamat bè Dwata, yóm gónó tekuy mogot, abay se tey kehyu yóm kmoen. Laen kô dù sónen yóm kbong nawan tekuy.

Hol tekuy gel bemlay slamat bè Dwata abay se tey hyu yóm kmoen. Laen kô dù sónen yóm kbong nawahen tekuy.

Wen tey kfasang blayen do, ne hekgisen ou, ne deng lenwaen ou.

Bong hyu he yóm smalig bè Dwata senta yóm smalig bè yó kem tau mogot benwu.

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.