Popular Bible Verses from Kem Udél Hlalak Tehe Selumun 4

Share

Hol ten-gamahem bè kdéen yóm kmò kógów kehedemem, yakà bè kóm kehedem du gónón lemwót yóm kóm kmò.

Hol eles hendemem yóm kmò klanem ne balù kihu yóm nmoem sal hyu.

Hol béi abay mò tulón seblékê ne béi se mò kéng.

Yóm khulung hedem alì lemyu bè kdéen. Yó gónóm mon, hol hegna nwahem bè nawam yóm khulung hedem ne balù kihu dumu nwahem hol nam na hegna nwa yóm khulung temnef.

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw. Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

Béem kó bè nawahem yóm khulung hedem; yó se yóm semgyok kóm. Hol hnóem du nawam ne yó se mentey kóm.

Hol negenem ne béem glus yó kem deng hlauhu kóm. Hol nabungem, yakà bè yó du gónón tahà ktauhem.

Béem lolò yóm kul lan yó kem tau mò sidek ne béem dnalang se yóm kul kmò.

Ó kem ngà, hol hnungol ye yó kem tolok mà ye. Hol kenmón ye ne baling ye hulung temnef.