Popular Bible Verses from Kem Udél Hlalak Tehe Selumun 3

Share

Hol hewótem lem but blututem yóm ksaligem ke Dwata, béem abay genléd nawa yóm kóm khulung temnef. Balù nô kihu nmoem nam na gel setngón ke Dwata ne du he malak kóm bè yóm lan tedeng.

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Hol nadatem Dwata mlan bè keblayem du du yóm alì hyu bè kdê yó kem huluhem gefet. Ke ni se nmoem, tódô hnok folem ne balù yó kem gónóm hemsù yóm gel mò ninum gotu lembés.

Hol béem abay kó bè kmoem yóm kogot nawam bè Dwata. Eles tendo suem te henmuem ne lem hendemem.

Ó Man, béem hentólóng ke wen gónón semtódô kóm Dwata ne béem kensidek nawa se yóm ktedengen kóm. Yakà gel tnedeng Dwata du yóm kun kenbong nawa lómón yóm mà ke kenbong nawahen yóm ngaen logi sal gel tnedengen.

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm. Yakà bè ni du gónón lemwót tahà ktauhem ne yóm klowil gsengel nawam du.

Hyu nawan yóm tau deng baling hulung hedem ne tendo sen-galuhen yóm khulungen temnef. Yakà bong ofolem du yóm khulung hedem senta yóm tembaga futì ne tahu blówón. Yóm khulung hedem tey mebtes senta yó kem kimu legen mebtes ne balù kihu dumu nóyóem laen kô gemsenged du.

Béem sen-gafas yóm tóbóng ebè yóm tau bang gónó e bemlay du ke wen se nô béléem mò tóbóngem du.

Dwata se deng mò du yóm tonok lemwót bè kun khulung hedem ne bud lemwót bè kun khulung temnef gónón gemmò yó kem longit.