Popular Bible Verses from Kem Udél Hlalak Tehe Selumun 2

Share

Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

Ó Man, hol hnungolem yóm toloku kóm ne hol henlom nawam yó kem hlolou kóm. Hol henklinguhem ke tedu udél yóm khulung hedem ne hol suem lem hendemem yóm getnefem du. Hol sen-galuhem yóm khulung milô ne yóm khulung temnef. Hol hen-gelem mebel du yóm khulung hedem lómón yóm gel kebelem tembaga futì ne dumu kimu mebtes gebnos. Ke ni se yóm kmoem du, yó he kegetnefem du yóm klikò ke Dwata ne ktonem du yóm kesetngón ke Dwata.

Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò. Gel kenlungen yóm kul lan yó kem tau tedeng kmò le ebè kem dumu le ne gel sen-gyoken yóm kul lan yó kem tau hteneb béléen.

Yakà tek són yó kem tau tedeng kmò le gmuta du yóm kehyu nawa Dwata ebélê le ne lemwót bè yóm klaen dù belenen yóm kul kmò gónón tahà ktau le lem nim benwu ni. Okóm yó kem tau gel mò sidek là kóen tahà ktau le. Kó Dwata lu te tonok lómón ke kemdut kluon.

Yóm khulung hedem kenlungen uu bè yóm libun hdóyón ne bè yóm libun mdà yehen tô hegbóy kóm bè tilob kudélen. Ni se yóm libun là teneben bè yehenen ne mom nuléhen yóm tehe kun fasad ke Dwata bè kyehenen.