Popular Bible Verses from Kem Udél Hlalak Tehe Selumun 26

Share

Ke bnalaem yóm tau book béem ulit bè yóm kun kbook déke momi mkél béléen. Bnalaem yóm tau book bè yóm udél gembólów du bè yóm kbooken anì dilóen yóm là khulungen hedem.

Yóm bud gel kdilut ohu yóm lewólen, hol lómón se yó yóm tau book ke là kóhen du yóm kbooken.

Matay yóm ofi ke laen dù snuken lómón se yó yóm keteflok yóm kesbólów ke laen dù tau lemnek ksumóngen.

Yóm tau mokol sol mò gónón hebtang kdumun mom du bud btang e lemen ne yóm tau hemluy botu ebè kdumun mom du yóm bud gónón e mluy.

Mom hyu he yóm tau book senta yóm tau bè kun kehedem du deng tey hulung hedem ne kun.

Yóm tau tódô gbót bè yóm kesbólów laen dù kun du wen gfaen lómón kwen gfaen yóm tau kemfô ohu ke nogoten bè klinguhen.