Popular Bible Verses from Isaya 44

Share

Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.