Popular Bible Verses from Isaya 45

Share

Ne blayu kóm yóm kimu labi bnos le bè gónón kmifu. Bè yóm nmou béléem yó gónóm temngón du ou se Dwata yóm hol gónó mogot. Ou se yóm kul Dwata yó kem tau Israél, yóm deng tódô tmaba kóm bè boluyem.

“Ou he tukô gna kóm. Tódô sentunalu béléem yó kem bulul geta kkólen bè yó kem bulul lemnek. Ne angat genbau béléem yó kem tikeb tembaga le ne tenfoku yó kem bala tók tgel le.

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do. Yó gónóhu mò du yóm ni anì yó, kdéen tau bè klamang benwu angat temngón du ou yóm hol gónó mogot. Laen kô dù dumu Dwata, són o.

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Deng nélék Dwata Sirus mò tau hol geta. Deng néléken mò gemwa yó kem dumu benwu mlan bè kgidahen kul. Hógówen mò mdà kul elaan yó kem tau hol geta bè yó kem benwu yó. Angat gotu lenkà Dwata béléen yó kem bak tikeb yóm beng hmilol syudad le. Yó udél Dwata ebè Sirus, monen

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Deng néléku u mò tmóbóng yó kem tau Israél, yó kem tau deng néléku mò tóbóng lówóhu. Tey kehegetahu kóm, balù yóm là ketngónem dou.