Popular Bible Verses from Isaya 43

Share

Ni wen lomi lan nmou, hol nangat ye. Deng nbutu se mò du, là ton ye du kô? Wen lan angat nmou bè yóm benwu là hyu menwu du ne wen kem él hlelu gu lemen.

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Okóm bud mon Dwata, “Béen són yó hendem ye yóm deng tehe nmou yó ekni, béen són yó tendo nô bè nawa ye.

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Gloku tódô bemlay yó kem dumu benwu mò soku kuy, abay se tey ye bong mebtes béléu ne alì bong nawahu kuy ne tey kadatu kuy.

Yakà ou du yóm kuy Dwata, yóm hol gónó mogot, yóm Dwata yó kem tau Israél, yóm Dwata laen kô dù belenen, yóm gel lemwà kuy. Yó mò soku kuy, yóm benwu Idyip, tnuu du yó kem benwu Sudan ne Siba.

Hol bê ye abay hlikò, tendohe nô bélê ye. Angat bud huléku yó kem kuy dumu deng sekla ebè yóm hol kuy benwu. Bè yóm angat kulék le yó, wen se bélê le lemwót bè doli benwu ditu fi dmata kdaw ne doli benwu ditu fi desdef.

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen

Tek sotuhu Dwata, tek sotuhu gembek lemwà kuy.

Ou se yóm Dwata, laen dù sónen yóm keDwatahu. Laen dù tau gembek gewà lem kfasangu. Ne laen se dù gembek temles du yóm dou nmò.”

Balù yó kem ógóf mayal nô bè yó, angat gbót nadat le ou. Dóyón le ou lemwót bè yóm él hlelu bè yó, yóm él mò gónó le minum yó kem dou tau deng nélék. Lu se yó kem tau deng nmou mò hol dou tau. Angat tey kdóyón le dou mlan bè kesngal le.”

Angat dóku yó kem benwu fi debwak anì hulék le lu. Senged se yó kem benwu tofi leged anì là nali le kul. Angat dóku yó kem tau bè benwu mayuk anì hulék le lu yó kem dou tau lemwót le gu bè kdéen benwu talak tonok. Lu se yó kem hol dou tau. Deng nmou lu mò gónóhu hol megdóyón.”

Yóm tehe yu ekni, nmò Dwata yóm lan lem mohin igò yóm él tódô temgulung. Hlanen elemen yó kem tey sendalù wen lemwót bè Idyip ne yó kem kudà le demyol klitun tók ne bè yó gónón gemlà kul. Gotu le lemneb lem mohin, balù sotu ke wen mowil bélê le. Lómó kmoen kul lómón ke hmatay nóng solok.

Ou se gónó ye mogot yó kem tau Israél yóm Dwata laen dù belenen. Deng nmou yu ne ou se yóm hol dandónen geta bélê ye.”