Popular Bible Verses from Isaya 42

Share

“Ou se tmaba kóm, yóm Dwata gónóhem mogot. Deng benlayu u kfasang mogot kukum anì hentedengem yó kem kukum te tonok. Hlanu béléem yóm fasadu ebè kdéen tau. Bud hlanu béléem snéen yóm layag mò hton yóm kdéen tau te tonok. Angat htonem yó kem butô ne angat hewaem yó kem tau geblanggù lem yóm gónón kmifu.

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Kehlingónu du yóm któbóngen kuy, hol lómón ke yu yóm ngà hulu móyón sfék, okóm là kô nan e tenfok du. Ne hol lómón ke yu yóm solok sónmoen mudof, okóm là kô nan hlef du. Du se hol mit du yóm kukum tedeng laen dù sónen bè kdéen tau. Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Yó kem deng tehe eles tulónu kuy, deng tódô tahu edu. Ne ni bud wen lomi eles tulónu kuy gu laanen là deng sut.”