Popular Bible Verses from 2 Bok Kem Tau Hol Geta 6

Share

Omin Ilaysa mni bè Dwata, monen, “Ó Dwata, hol htonem bè yóm tau tóbóng lówóhu yó kem mofin kum.” Tahu se, hton Dwata du, ne tódô tonen se yó kem bulul hmilol kul deng tódô tfeng kudà ne klitun tók hono ofi.

Bnalà Ilaysa se, monen, “Béi hlikò, yó kem mofin kut, bong le wen senta yó kem mung bélê le.”

Timbow hlafus btik yóm tau tóbóng lówó Ilaysa ne mógów ebè lewà, tódô tonen yó kem tey sendalù wen, mung kul yó kem kudà demyol klitun tók, deng gotu snibut le yóm benwu yó. Yó monen mò ke Ilaysa yóm tau tóbóng lówóhen, “Étey Sér, kmò te ni du?”

Yóm igò le hemlel mundug yó kem sendalù Aram, bud mni bè Dwata Ilaysa, monen, “Ó Dwata, hol hbutóem lu.” Tahu se, bnalà Dwata yóm hni Ilaysa, gotu hbutóen lu.

Ominen smólók du yóm tau Dwata, “Gónón seblà btang du?” Timbow toloken du yóm gónón seblà btang, omin Ilaysa kemleng ngà koyu udì, ne tudaen elem él bè yóm gónón seblà btang, ne tódô hetówen eta se yóm bak beyung.

Okóm tikóng mofok koyu yóm sotu bélê le, tódô lemsò bak beyungen ne tódô btang etlem él. Botong lemangat, monen, “Wóyô, Sér, igou mdóm du yóm beyung tu.”

Yó mon Ilaysa mò du, “Géhél nwahem.” Tahu se, hgong yóm tau yó, nwahen yóm bak beyung.