Popular Bible Verses from 2 Bok Kem Tau Hol Geta 5

Share

Yó boluy yóm kmandér bè yó kem sendalù yóm tau hol geta bè Aram, duhen Naaman. Nim tau ni tey bong boluyen, ne tey nadat yóm tau hol geta bè Aram, abay se lemwót béléen gónó Dwata hegmò yó kem sendalù Aram bè yó kem hohon le. Tey hulung mit sfatay, bede deng mom gemnóm des mifù.

Timbow ton Ilaysa Naaman, ominen mdók yóm sotu tau tóbóng lówóhen anì tulónen ke Naaman, monen, “Holi mógów etu bè Él Jurdan nam e dyo ditu hitu dulék anì mkó yóm des mifuem, ne angat bud hyu kulitem.”

Tahu se, mógów ebè Él Jurdan Naaman, ne hitu duléken lemneb lówóhen ditu, lómón yóm deng hloloen du yóm tau Dwata, ne tódô gotu mimot mkó se yóm desen. Yóm kuliten, hol lómón ke kulit ngà.

Okóm mom lembut Naaman, tódô lemwót, monen, “Ofo do ke hewà ebéléu, ne mni béléu bè yóm Dwatahen, ne ke diwelen sigelen eta yóm desu anì mkó yóm des mifuu.

Okóm stulón le du yó kem tóbóng lówóhen, mon le mò du, “Ó Sér, ke wen mgel hmoen kóm yóm tugod Dwata, tódô nmoem. Ne ni, moem là dyo du, lómón yóm deng monen anì mkó yóm desem.”

Sotu kdaw, yó mon yóm ngà libun yó bè yóm amohen libun, “Ke yó dum mógów ebè yóm tugod Dwata nô bè Samarya yóm amohu, kaem hkóhen yóm des mifuen.”