Popular Bible Verses from OROMA 3

Share

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o. Alat nde, onggo lag-et we wok ondoso elem pem-nen Kerisut Yesus-nen nit nonnggo pidnak me, Mbal Pem Nagawan-nen-e lud tak nak ninpij-o.

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o. Alat nde, yawo-nen-e Mbal Pem Nagawan-e at lud tak nak kwaroso nam tak posolar-e, inndi-ge Yesus ebem angin tubu yuwa nab-e Mbal Pem Nagawan-nen lud tak nak onposo-o luk mirik nunpusu-o.

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

Mbal Pem Nagawan engga mbarak pem-nen yosolar-e: ”Lud tak nak woraso nap ap misiget ter-o luk mondok lag-o. Kwara yebet kaso nap na mondok lag-o. Mbal Pem Nagawan ogore yoso nap na lag-er-o. It oboksa-ge lugud tuk nggwe mborogolar-e, ebe lak mende nak kwatli-o. Lud tak nak kwaroso nab-e misik tet mondok lag-o.

Iri bem-e, wene ebe-ge yu-o: It inndi angin tubu yidnak pem-net ab-e lud tak nak onposo-o. Nde, imiri mbarak pidnak wene-nen yidnak yidnak kwaridnak pem ap lud tak onposo bug-o.

Mondok lag-o! Ap oboksa ennesiget yugwi-t nde, Mbal Pem Nagawan-e mondok ndemeret wene nak yoso-o. Mbal Pem Nagawan engga mbarak pem-nen yosolar-e: ”Kat-nen wene yosola-ge, lud tak wene nak yij-o luk yuwag-o. Nde, kat kebem wene mbarogola-ge, kar-et ombol pem yugun-o” luk mbarij-o.