Popular Bible Verses from OROMA 13

Share

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

Ap inmin namat wolmomtak pug-o. Are, nabuwa kabuwa bem iri perak nde ob-o. Nabuwa kabuwa yusu nab-e imiri mbarak pidnak wene-nen yidnak yidnak irit kwarusu-o.

Ap oboksa-nen pemerinta-nen yidnak yidnak nak kwarurag-o. Nde, pemerinta pidsa enmawi-ge Mbal Pem Nagawan nak-nen wok indidnag-o. Nde, yawo worali pemerinta yu-nen Mbal Pem Nagawan-nen yidnak pem-et kwatli-o.

Kubu lak yosolat, o nda yurak panggo yusu-o. Iri bem-e nit-nen-e ndamuk arem-nen kwarugwi mende keya buruk, yaya bem-nen wim mbarugwi san wanuwog-o.

Nde, ap enabuwa kagolar-e, ap meya rak unpugwi bug-o. Iri bem-e nin nap enabuwa kali nab-e imiri mbarak pidnak wene oboksa-nen yidnak yidnak kwatli-o.

Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.