Popular Bible Verses from OROMA 12

Share

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

Meya kwarugwi elem-nen urugwe nggwe rak kunpuwakluk, nggeyok nak yurak pug-o. Are, konak kwarugwi mende iri bem-nen meya kwarugwi elem iri urugwe nggwe rak per-o.

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

Nde, kit-nen-e ap oboksa inmin lambuk tak nak wolmomtak iri nak peragolat wolmer-o.

Nenggamirak kenabuwa worak wa-e. Kit-nen onggo purag-e mondok lag-o. Are, Mbal Pem Nagawan isilepma-ge ap na ebem mbuwakluk, at eram nak keya burag-o. Mbal Pem Nagawan engga mbarak pem-nen yosolar-e: ”Onggo purak nab-e an-net yusu me, onggo an-net pimin-o luk Nagawan Indo-nen yij-o” luk yij-o.

Yabu kwara wanogolar-e, perari yurak pug-o. Kinndi embem pem-net Nagawan Indo eyabu wanogolat wolmer-o.

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

Irit nde, engga wene misik-nen yosolar-e: ”Kat kimin sirid nap nere ala-ge, mburu mak turag-o. Nde, yi nere ala-ge, yi mak turag-o. Iri nggal kwat obosolar-e, at anggul pem kan mil mil ndok worak pugun-o” luk yij-o.

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o. Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

Nit nenpe misiger-et nde, nininggi nunuwog-e kwarar-o. Nde, nininggi nunuwok iri-nen-e eyabu arik tag-et wanoso-o. Iri nggal, nir-e ap kwarar-et nde, Kerisut imin kundik worali me, nenpe misiget nak-nen yusu-o. Nit na nit-net kundik woragolar-e, ebe misiget inggi ijok-nen yili-o.