Popular Bible Verses from OROMA 14

Share

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o. Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

Nde, nir-e nunluk nde woragolar-e, Nagawan Indo amanggim nunluk wulmul-o. Wat yogolat na, Nagawan Indo amanggim-et wat yul-o. Iri bem-e, nunluk wolmomtak na, wat momtak na nir-e Nagawan Indo arengge-nen yili-o.

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

Iri bem-e, nit na nit-net nenpem wene mbal kerak mbili iri-ge keya buwog-o. Are, yu nggal mog-o luk wene amburu mbarer-o: Nonowe nonowot enare purak kerep tulabiyem pogolat, inndi kabak tak onpogolat momtak pug-o.

Mbal Pem Nagawan engga bem-nen yosolar-e: ”Nagawan Indo-nen at ondomok ebem owak mbal korasolat-nen yosolar-e: ’Ap oboksa-nen-e an neram endaru yunggusa tud luk, ar-e ndemeret Mbal Pem Nagawan-nen yusu-o luk yuwa-o’ luk yij-o.” Iri ala-ge, nit oboksa nondomok tak-net kwaridnak iri-ge Mbal Pem Nagawan para yak tul-o.

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.