Popular Bible Verses from 1 YOHANES 4

Share

Ulun sa kaingkam sinta Alatalla, puang uweng kaingkam takut; daya sinta sa paruna nyamawai katuluh pangingkaman takut. Jari bawilah tuu ulun huan kaingkam sinta Alatalla anri paruna amun ulun yiru takut nadap Anrau Pangadilan.

Kude naun kawan anakku, naun milik Alatalla. Naun haut nyantalau kawan nabi palasu, daya Roh sa naan hang naun labis bakuasa teka roh sa naan hang kawan ulun milik dunia yiti.

Takam sinta, daya Alatalla haut labis dahulu sinta ma takam.

Pulaksanai katuluh sa nasinta! Hayu takam sinta isa pada ma sa lain, daya sinta yiru asalni teka Alatalla. Ulun sa sinta, hanyeyiru anak Alatalla nelang hanye kataru Alatalla.

Ulun sa puang sinta, puang kataru Alatalla; daya Alatalla yiru sinta.

Iti sinta: Puang takam sa haut sinta Alatalla, kude Alatalla sa sinta ma takam nelang ngirim Anakni nampan itetei hanye takam kaiyuh kaampunan kawan dosa takam.

Kawan pulaksanai sa nasinta, amun Alatalla kalayiru sinta ma takam, takam pada harus sinta isa pada ma sa lainni.

Alatalla haut ngalalea sa hanye sinta ma takam anri ngirim anakni sa tungkan ma dunia nampan takam kaiyuh pamelum itetei Anakni yiru.

Amun naan sa kaeau, “Aku sinta Alatalla,” kude puang sinta ma pulaksanaini, ulun yiru mapusu. Daya ulun sa puang sinta ma pulaksanai sa nadinungni, puang maka hanye tau sinta ma Alatalla sa puang hanye kadinung.

Hie sa mangaku Yesus Kristus yiru Anak Alatalla, Alatalla welum baya anri ulun yiru, nelang ulun yiru pada welum baya anri Alatalla.

Daya yiru, parentah sa naami Kristus ma takam, hanyeyiru: Hie sa sinta ma Alatalla harus pada sinta ma pulaksanaini.

Kawan pulaksanai sa nasinta! Ada parisaya ma katuluh ulun sa mangaku naan Roh Alatalla, kude ware naun nguji here dahulu nampan ngarasa inun roh sa naan hang here yiru hawini teka Alatalla atawa puang. Daya rama kawan nabi palasu sa bakaliaran hang awe-awe. Kewangun sarani naun ngarasa inun yiru Roh Alatalla atawa puang, hanyeyiru kala yiti: Ulun sa mangaku Yesus Kristus hawi ma dunia yalah murunsia, ulun yiru naan roh teka Alatalla.

Kude ulun sa puang mangaku hal yiti neu Yesus, puang uweng Roh Alatalla hang hanye. Hang ulun yiru naan roh teka musuh Kristus. Naun haut karengei himat roh yiru sagar hawi, nelang itati haut naan hawuang dunia yiti.