Popular Bible Verses from 1 YOHANES 3

Share

O Kawan anakku! Ada takam sinta ekat hang wiwi mulut atawa ekat makai lengan. Wuah takam sinta makai sinta sajati, sa natantarang itetei pagawian takam.

Anri lalan yiti takam karasa kewangun sarani sinta ma sasameh murunsia: Kristus haut nyarah pamelumni ma takam. Daya yiru takam harus nyarah pamelum takam ma kawan pulaksanai takam!

Dinung kewangun Alatalla sinta takam, hampe takam nakakuni yalah kawan anakni. Takam samula kawan anak Alatalla. Yiru sababni dunia yiti puang kataru takam, daya dunia puang kataru Alatalla.

Kude ulun sa saratang ngulah dosa hanyeyiru anak Iblis, daya Iblis badosa teka asalni. Nampan neu yiti anak Alatalla hawi, hanyeyiru nampan ngampi hansur pagawian Iblis.

Ulun sa haut jari Anak Alatalla, puang saratang ngulah dosa daya pidasaran Alatalla naan hawuang hanye. Nelang daya Alatalla yiru Ambahni, balalu hanye puang tau saratang ngulah dosa.

Amun erang kaulun sa welum hang kasukupen kadinung pulaksanaini bakakurangen, kude puang hamen ngarawah pulaksanaini yiru, kewangun ulun yiru tau kaeau hanye sinta Alatalla?

Katuluh ulun sa ngalut nuu ma kawan parentah Alatalla, welum baya anri Alatalla, nelang Alatalla baya anri here. Nelang takam karasa Alatalla welum baya anri takam, daya hanye haut ngami Rohni ma takam.

Yiru pibalainni kawan anak Alatalla anri anak Iblis; hie sa puang nampalus kabahumen Alatalla, atawa puang sinta ma pulaksanaini, hanye puang anak Alatalla.

Kalemah teka asalni haut natahampe kabar yiti ma naun: Takam harus sinta isa ma sa lain.

Daya yiru, Pulaksanai katuluh, ada wauh amun kawan ulun dunia yiti muar ma naun.