Popular Bible Verses from 1 YOHANES 2

Share

Ada sinta ma dunia yiti, atawa inun heneng sa naan hang wuang dunia yiti. Amun naun sinta ma dunia, naun puang sinta ma Ambah. Alakatantuluh sa naan hawuang dunia yiti – sa nakasinnien daya pidasaran murunsia sa badosa, sa nadinung balalu nakasinnien nelang sa nawawara – alakatantuluh hal yiru puang baasal teka Ambah, malengkan teka dunia.

Dunia anri alakatantuluh sa naan hawuangni sa nakasinnien daya murunsia, sagar wawai. Kude ulun sa ngalut kabahumen Alatalla, tatap welum hampe ma kalalawah.

Hie sa kaeau hanye welum baya anri Alatalla, hanye harus welum takia ngapung bakas pee Kristus.

O kawan anakku! Aku nyurat surat yiti ma naun nampan naun ada ngulah dosa. Kude amun naan sa ngulah dosa, wat takam uweng erang kaulun pangarawahen, hanyeyiru Yesus Kristus sa adil yiru; hanye sagar ilaku ma takam hang hadapan Ambah.

Ulun sa kaeau, “Aku kataru Alatalla,” kude puang ngalut nuu ma kawan parentahni, ulun yiru mapusu, nelang Alatalla puang uweng hawuang ateini.

Amun takam ngalut nuu ma katuluh parentah Alatalla, yiru sirini takam kataru Alatalla.

Ulun sa kaeau hanye naan hawuang piraai kude ulun yiru magun muar ma pulaksanaini, ulun yiru magun naan hang piieng hampe itati.

Sa ipusu hanyeyiru ulun sa kaeau Yesus Kristus yiru puang Raja Panyalamat sa haut najanji daya Alatalla. Ulun yiru musuh Kristus; hanye puang mangaku Ambah atawa Anak.

Ulun sa puang mangaku Anak, baarati pada puang narime Ambah. Nelang ulun sa mangaku Anak baarati hanye narime Ambah pada.