Popular Bible Verses from BANGSALAN 3

Share

Paparcaja ka PANGERAN kalaban gu-onggu ate, ban ja' ngandellagi pangarteyanna ba'na dibi'. Kaenga'e PANGERAN e dhalem ba'na alako apa'a bai, tanto Pangeran noduwagi ka ba'na carana odhi' se becce'.

Ja' sampe' ba'na nganggep aba'na apenterran dhari se sabendherra; toro' dhabuna PANGERAN ban jauwi sabarang se jahat.

Hormadi PANGERAN kalaban cara ngatorragi ka Salerana dhi'-andhi'na ba'na ban hasel bumena se paleng bagus, tanto bung-lombungnga ba'na pas possa' ban gandum, ban aeng anggurra ba'na bakal bannya'a sampe' baddhana ta' kabuwa'.

Ba'na papaggun parcaja sarta esto ka Allah ban sasamana. Kaenga'e jareya ban sempen e dhalem atena

Mon PANGERAN ngajar ba'na, na', tarema jareya menangka parengeddan, ban ja' sampe' ba'na arassa caremmet e dhalem atena lantaran pangajaran jareya. PANGERAN ngajar oreng se ekataresnae akantha oreng towa lake' se ngajar ana'na se ekaneserre.

Ja' kaloppae apa se la eajarragi sengko' ka ba'na, na'. Kaenga'e terros tang parenta, sopaja ba'na lanjang omorra ban nyaman odhi'na.

Ontong oreng se daddi bicaksana ban olle pangarteyan. Kaontonganna alebbiyan dhari se ekaolle dhari salaka, ban lebbi aji dhari emmas. Hekmat lebbi aji dhari mamatan; sabarang se ekaterro ba'na ta' ekenneng bandhingngagi ban hekmat jareya.

Mon ba'na nemmo kasempadan agabaya kabecce'an ka oreng se marlowagi kabecce'an jareya, ba'na ja' nolak kasempadan jareya.

Kalaban hekmat PANGERAN nyepta'agi bume; kalaban akkal buddina Salerana ngampar langnge'.