Popular Bible Verses from BANGSALAN 4

Share

Jaga atena ba'na pateppa', sabab atena ba'na nantowagi jalanna odhi'na ba'na.

Pekker pateppa' sabellunna ngalakone apa'a bai, sopaja ba'na bisa'a ahasel e dhalem sakabbinna ehteyarra.

Ja' sampe' ba'na ca'-ngoca' barang se ta' bendher. Jauwagi caca lecek ban caca se emaksoddagi ngeba'a oreng ka jalan se sala.

Se paleng penting se kodu elakone kaadha' bi' ba'na iya areya ba'na kodu aehteyar sopaja ba'na daddiya bicaksana. Apa'a bai se eserser ba'na, se paleng otama iya areya ehteyarragi sopaja ba'na olleya pangarteyan.

Jalanna oreng jahat petteng akantha malem. Sokona tatandhung laju labu ta' kalaban tao sababba. Sabaligga jalan se elebadi oreng becce' akantha moncarra are; sajan abit sajan tera', sampe' dhi-budhina tera' tar-kataran.

Argai hekmat, tanto hekmat jareya ngaobi ba'na; kaleburi hekmat, tanto hekmat jareya terros ajaga ba'na sopaja teptebba aman.

Kaenga'e terros pangajaran se etarema ba'na dhari sengko'. Jaga pateppa', sabab kalaban pangajaran jareya ba'na tanto ahasel e dhalem odhi'na.

Ja' noro' cara odhi'na oreng jahat, ban ja' nerowe tengkana reng-oreng jareya.

Edhingngagi babala'anna eppa'na ba'na, kana'. Gateyagi pateppa' sopaja ba'na ngarteya.