Popular Bible Verses from PANGKOTBAH 8

Share

Daddi pandha'na, ca'na sengko' oreng reya kodu pagumbira. Sabab e dhalem odhi'na e dunnya reya tadha' kasennengngan laen monggu ka aba'na, kajabana ngakan, ngenom ban anga-bunga. Pera' jareya se bisa ene'madi aba'na e dhalem lessona se alalakon, saabidda odhi'na se eparengngagi Allah ka aba'na.

Maske oreng jahat agabay dusa saratos kale bannya'na, oreng jareya paggun odhi' lanjang omorra. Tape oreng se ta'at ka Allah gampang odhi'na.

Sabarang reya badha baktona ban carana tape talebat sakone' se epahame manossa!

Tadha' oreng settonga bisa nahan otaba manyorot ajalla. Jareya perrang se ta' bisa esenglae; manossa ta' bisa lopot dhari jareya, maske ngangguya akkal apa'a bai.

Arapa oreng me' ce' gampangnga ngalakone kajahadan? Lantaran ta' duli eberri' okoman.

Tape jareya lecek kabbi. Abas bai apa se sabendherra badha e dunnya reya: Badha oreng se abakte ka Allah eokom epakantha oreng daraka, badha oreng jahat se eberri' ganjaran epakantha oreng se ta'at ka Allah. Jareya barang se parcoma keya.

Tadha' oreng settonga se tao papasthen apa se bakal etarema'a, ban tadha' se bisa ngoca' apa se bakal kadaddiyana.