Popular Bible Verses from PANGKOTBAH 7

Share

Ja' ru-kaburu norodi peggella ate; pera' oreng budhu se nyempen sake' ate.

Daddi pagumbira mon ba'na teppa'na pojur. Tape mon ba'na teppa'na palang, ja' loppa ja' kasennengngan ban kasossa'an jareya padha dhari Allah asalla. Manossa ta' tao apa se bakal dhatengnga.

Aherra settong parkara lebbi becce' dhari parmola'anna; ate sabbar lebbi bagus dhari ate gumbira.

E bume reya tadha' oreng se samporna; tadha' oreng se terros becce' ban ta' tao agabay dusa.

padha ban pesse se mataremtem ate. Apa pole pangataowan parkara hekmat! Sapa se andhi' pangataowan jareya bakal salamedda.

Nyama se ro'om aparlowan dhari mennya' se larang; are e bakto mate lebbi becce' dhari are e bakto buru egandhu' ebu.

Lebbi becce' epaenga' salana bi' oreng se bicaksana katembang ealem oreng se budhu.

Lebbi becce' entar ka bengko kasossa'an katembang entar ka kennengnganna pesta. Sabab manossa kodu ros-terrosan ngenga'e ja' maot anante' saneyap oreng.

Oreng budhu terros nyerser kasennengngan; oreng penter ros-terrosan mekker kamateyan.