Popular Bible Verses from PANGKOTBAH 9

Share

Lakone sakabbinna tugassa ba'na paamba' pate. Sabab dhaggi' tadha' pekkeran otaba lako pole. Tadha' elmo otaba hekmat e dunnyana oreng mate. Ban ka jadhiya se bi' ba'na kodu eentare.

E dunnya reya badha pole se etangale sengko': Se mennang parlomba'an ta' salanjangnga oreng se santa' paberka'na, se mennang perrang ta' salanjangnga oreng se kowat. Oreng bicaksana ta' salanjangnga nemmo kasap. Ban oreng se penter ta' salanjangnga olle kasogiyan. Bariya keya para ahli ta' salanjangnga kasohor. Sabab sapa'a bai bisa ekenneng papasthen se juba'.

Ne'madi odhi' reya ban binena ba'na se kataresnan saabidda odhi'na ba'na tadha' gunana se eparengngagi Allah ka ba'na e dunnya. Ne'madi sabban are maske tadha' gunana. Sabab opana pello konengnga ba'na pera' jareya.

Mara, kakan bai ban pasenneng. Enom anggurra paperak. Allah ta' kaberradan, la'-mala' Salerana kasokan.

Hekmat lebbi aguna dhari sanjata, tape oreng kasorang se kalero bisa majuba' oreng bagus sabannya'na.

Lebbi becce' ngedhingngagi cacana oreng se andhi' elmo se ekoca'agi kalaban ayem, katembang cacana pangobasa se eera'agi e dhalem kompolanna reng-oreng gendheng.

Paleng enja', oreng odhi' tao ja' aba'na mateya, dineng oreng mate ta' tao pa-apa. Monggu ka oreng mate tadha' opana, la'-mala' nyamana la ta' ekaenga'e oreng laenna.