Popular Bible Verses from MAZMUR 143

Share

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

De subu-subumo po'ingatakon mae hi belengku na kalibosan nu Belento, kalana olamo Belento na anu ku taha'imani. Potiju'akon mae hi belengku na jalan anu tionyo ahi' ku jalani, kalana olamo hi Belento na anu pompotokanku do'a.

Aku toka mae kahanda' mihohung' hi Belento, o, Tumpu, pobebasakon mae na aku da madi' nupoposia nu anu monsampobali' mae aku.

Posalamatakon mae na aku susumo anu jinanji'mo nu Belento, o, Tumpu, kalana kanonongan nu Belento, pobebasakon mae na aku da madi' mongoa'i kasansala'an.

Mazmur i Daud. O Tumpu, potombihingakon mae na do'angku, pahatikan mae na anu ku kakase aiya. Taamiakon mae na aku nu kalibosan nu Belento, situjuiakon mae na do'angku nu ka'adilan nu Belento.

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.