Popular Bible Verses from AMSAL 26

Share

Mian anu montaami pompokilawa nu mian anu ponga', koponga'annyo pokakana mo sumo mian aijo'. Anu opokilawa nu ponga' tionyo ahi otaami nu pontaami anu ponga', da nusumbu' nu anu nompokilawa taalu' ia madi' ahi' pande susumo anu nu sangka.

Susumo dedeng po' ule' mompinsusule'i anu i lua'nyomo sumo aitu mule' na mian anu ponga' po'ule' mule' mongulit kaponga'annyo.

De kau' mingkotmo, matemo na apu; de madi'mo ko anu lewa-lewa' monsisik lahasia, madi'mo suele daagi ko painggagan.

Ihe na mongkeke bolo' da bau panabu'an nu mian sangga'at aijo' baumo panabu'annyo. Ihe na molingginakon batu da nu kona na mian sangga'at, posi ia na nu tuda' nu batu aijo'.

Mian anu ponga' hondo daagi' lebe ma'ima' nulingkudui na mian anu monsangka butongnyo pande.

Mian anu maninggalo' ipainggagan anu misa' ulusannyo; sumomo mian anu mohakop dedeng maela ibihingnyo.