Popular Bible Verses from AMSAL 22

Share

Pangajali na samian na anak ijala-jalan nu kantumuu'an anu patut hi ia; sahingga de toka'mo na tempo'nyo de ia langkai'mo kabai bengkele'mo kantu-kantumuu'annyo montulutimo sumo aijo.

Mian anu tulu-tulutan hi Tumpu ka' madi' buulon, saidi mae mohumpak kabilahian, ka' oholomati.

Mian anu madi' ko palabuatan maidek lebe ko angga'nyo nulingkudui na halata' anu manjoo'; nu kalibosi nu mian lebe ma'ima' nulingkudui naobee'i salaka' tiba mosoni'.

Bolimo mosangalu tiba mian anu mongka'ima'i pusa ka' sampa pusa.

Mian anu manonong nu balakati nu Tumpu kalana Ia mombee'i dale' hi mian anu madi' ko apa-apaanyo.

Mian anu pande mongawahi de montoa mo anu monsilakai mian anu ponga' lumajang lau-laus lantas nukonamo nu balaa'.

Mian anu kasiasi nu kuasai nu mian anu kaya; mian anu monsabon nukuasai numian anu momposabonakon.

Mian kaya ka' mian anu kasiasi daagi ko sa'angu' na han anu pokakana: Tumpu na anu nompotimbali aha iwi-iwi'.

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa. Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.