Popular Bible Verses from AMSAL 21

Share

Ihe na balausaha da ka'adilan ka' mompaha kali-kalibosi obau, saidi mae mohumpak kantumuu'amu bilahi, kaholomatan, ka' mantan na umun.

Tanga'an nu mian anu makeke mongahenakon molabi-labi; usaha anu ko sia-sia' monsaduakon da madi' kokasukupannyo.

Da boli nu tokai mae nu kasusa'an, tionyo ahi' obala'ingati na anu otaeakon.

Batu-batu palabuatan nu mian, de ia na mosi oa'i tantu koonyo aijo' maima', panyo Tumpu na anu monsumbu' isi nu kinyonyoanyo.

Maumo i pahampatean oposukup nu ajahan na posadiaon bau pahampate, anu montantukan ka'untungan mahampate ola ahi' samata-mata Tumpu.

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.