Popular Bible Verses from AMSAL 16

Share

Asanakon hi Tumpu iwi-iwi' na tanga'an nu beleyum; sahingga kohasinnyo na beleyum mokalaja.

Manusia timbali mombau tanga'an; panyo Tumpu Allah na montantukan jalan nu kantumuu'annyo.

Potatae nu anu madi' kopesa-pesa sumomo juu' nu uani'; nyamitnyo matami' ka' mule' mokopahoson butong.

Manusia timbali mombau sa'angu' na tanga'an panyo Tumpu Allah na mombee'i kaputusan.

Madi' sampa pusa lebe ma'ima', nu lingkudui na anu ko kakuasa'an mongkuasai lebe ma'ima' nu lingkudui na anu mompatundu' kota'.

Mian anu takabun mohumpak kahansunan; kobubuun ahennyo madi'mo ohalagai.

Batu-batu palabuatan nu mian tantu ugaat ma'ima' na nu oa'i; panyo Tumpu na monsumbu' isi nu kinyonyoanyo.

Palahatikan apaa na anu ingajanakonmo hi beleyum sahingga beleyum saidi' mae mohumpak apaa na anu ma'ima'. Palesaya hi Tumpu sahingga beleyum mohumpak kabilahian.

Lebe ma'ima' ola sangkiding na pandapatan asan ohumpak nu kinyonyoa anu madi' tageo'; boli pandapatan manjoo' padahan ohumpak nu palabuatan anu madi' adin.

Daagi ko jalan anu otoa hodi' hondo; panyo imihinyo mae jalan aijo' mompanjolongi kasilakan.

Mian anu madi' adin monsaduakon painggagan; anu momboa-boa sisik ma'idek hi sangalu mongga'atakon sampo bela' anu mompahakona hondo.