Popular Bible Verses from AMSAL 10

Share

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

Talalo manjoo' na potatae, talalo manjoo' mule' ugaat na mombau dosa'; panyo mian anu moko ala monjagai jila'nyo atina'mo na mian pande.

Mongka'ideki mian monsaduakon da saja' painggaga; panyo mompaha kali-kalibosi mongampuni iwi-iwi' na kasala'an.

Mian anu moluluk saidi mae timbali kasiasi; panyo mian anu makeke saidi mae timbali kaya.

Ihe na mompalahatikan pokinde' mohumpak kantumuu'an anu sanang. Panyo de ihe na madi' mongakui kasala'annyo; ia i unomo nu kasilaka'an.

Mian anu madi' tageo' na kinyonyoanyo kantumuu'annyo aman; panyo mian anu mongakali saidi' mae osumbu'mo.

Oholomati na Tumpu da beleyum tumuu' pin; mian anu ma'idek na kinyonyoanyo ma'isa pe'e toka na ajannyo ia silakamo.

Tumpu madi' mompojohok mian anu manonong kakulangan i anu okaan; panyo Ia madi' mombee'i kasampatan mian anu ma'idek nakalakuannyo sahingga mian aijo' madi' moko ala mohumpak anu nu ka'ma'i.

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.