Popular Bible Verses from FILIPI 4

Share

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

Opojalan apaa na anu ginulu'anmo miu, ka' anu ingalamo miu hi belengku; mau anu tinaeyakonku, mau pe'e anu binaungkumo. Tumpu Allah anu pinolengkatan mae nu ka'ima'an na montoa komiu.

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

Aku nongoa'imo kantumuu'an anu saja' kakulangan, ka' mule' kantumuu'an anu saja' molabi. Sinumbu'kumo na lahasianyo mongahopi hahan anu maumo pa' mosia; maumo sanang na kantumuu'an maumo kasiasi, maumo molabi na kantumuu'an maumo kakulangan.

Kusisik na aiya misa' kalana aku ko kinakulanganmo, kalana aku binala gulu'mo da o'oa'i sukupmo apaa na anu daagi'.