Popular Bible Verses from KOLOSE 1

Share

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

Kalana nontului jalan hi Ia, Tumpu nompotimbalimo iwi-iwi na apaa anu i suluga' ka' i bawo nu dunia, iwi-iwi na apaa na anu kantoan ka' anu madi' kantoan, tibamo suele iwi-iwi na roh anu ko kuasa ka' anu mompalentah. Songko-songko na dunia aiya pinotimbalimo montului jalan hi Kristus ka' da baumo anu i Kristus.

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu. Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.