Popular Bible Verses from FILIPI 3

Share

Tantu, to Utu-utus aku totu-totu'u madi' mongoa'i au'aitu aku kinohasinnyomo nohumpakmo tambo aijo'. Panyo daagi' ko sa'angu' na han anu binaungkumo, aijo'mo ku kolilimimo apaa na anu i hikungku ka' mongusahakonmo totu-totu'u da mohumpak apaa na anu aiya mae i ahop. Mokonyo aijo' aku sapopopadeka'nyo mompanjolongi anu okahanda'i i ka'ahenannyo mae da mohumpak ka'untungan, aijo'mo kantumuu'an i suluga'; makisut aijo' na Tumpu nolaga kita palesaya hi Kristus Yesus.

Ola sa'a-sa'angu'nyomo na ku kahanda'i aijo'mo da aku monsumbu' i Kristus, ka' mongoa'i kuasa anu nompotumuu'mo Ia sinilaka. Ku inde'i da mongoa'i sansala hingga-hinggat tiba Ia, ka' timbali pokakana sumo Ia i uno nu han Ia sinilaka. Ka' anu kutaha'imani, da aku po'ule'je opotumuu' de aku silakamo.

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus

Panyo kalana i Kristus, sahingga iwi-iwi' anu u'utu mae kusangka sumo sala'sa'angu' anu mompo'untung, uuka aiya tinimbalimo sala'sa'angu' anu mompolugi'.