Popular Bible Verses from YESAYA 55

Share

Tumpu notatae, “Pikilan-Ku misa' sumo pikilan nu belemiu ka' jalan-Ku misa' sumo jalan nu belemiu.

Sumo kotangkasnyo nu langit i buan nu tano' sumo atina'mo na kotangkasnyo nu pikilan-Ku molingkudui pikilan miu, ka' jalan-Ku molingkudui jalan nu belemiu.

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

Tumpu notatae, “Imbo'mo na belemiu iwi-iwi' anu negotmo, inummo na uee anu sinadiamo. Toka mae na belemiu anu madi' ko doinyo, talimamo na gandum madi' opai oli, ka' kaanmo! Anggur ka' susu sinadiamo, alamo atina' ola obee'.

Susumo ujan tudun lengkat mae i langit, ka' madi'mo nobalik, panyo mohumpisimo tano', nompa'omuk tano' ka' mompotumuu'mo sosu'anon, mohasinakonmo bua'nyo anu osu'an ka' anu o kaan, sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.