Popular Bible Verses from KAJADIAN 26

Share

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum. Ku balakatije na komiu, kalana i Abraham nontulutimo Aku ka' nompo'imboamo iwi-iwi' na atulan ka' palentah-ngKu.”

Lapas aijo' ia nolalinmo lengkat ikiijo, ka' nongkeke mule' bubung anu ko pintolunnyomo. Uuka aiya madi'mo ko painggagan. Kalana aitu, i Ishak nonsanggohimo bubung aijo', “Binebasmo”. Ia notatae, “Uuka aiya Tumpu nompobebasmo kita da jojoongmo i lipu' aiya, ka' kita timbalimo sanang i aiya.”

Han aijo' binaunyo kalana Tumpu nanintoamo hi ia ka' notatae, “Boli mamba mokiijo' i Mesir; jojoongmo i lipu' aiya susumo anu pinalentahkon-Kumo hi beleyum.

Lantas i Ishak nompotinjomo mezbah ka' nonsombah Tumpu i tampat aijo'. Ia nombau kemah ikiijo' ka' to posa-posaihonnyo nongkekemo bubung sangga'at.