Popular Bible Verses from KAJADIAN 25

Share

Tumpu notataemo hi ia, “Ohua' na bansa i uno nu ma'alum nu beleyum; beleyum mohampeakon ohua' na bansa anu saja' mompaha idek; utus ise' lebe mahoson molingkudui utusnyo tu'a utusnyo tu'a timbali posaihon hi utusnyo tampalui'.”

Ia notatae hi Yakub, “Aku no'ohopmo hondo. Bee'i mae sangkiding bue momea' aijo'.” (Mokonyo aijo' ia osanggohi i Edom.)

Kalana i Ribka madi' nohumpak anak, i Ishak nondo'akonmo bengkele'nyo hi Tumpu. Ka' Tumpu nompopo ii'mo do'a i Ishak, sahingga i Ribka pinoboamo.

Notatae na i Esau, “Apaa na gunanyo hak aijo' hi belengku. Aku no'ohopmo mompai patemo!” Notatae mule' na i Yakub, “Basumpa' pe'e momona, beleyum motatae, hak nu beleyum obee'mo mae hi belengku.” I Esau binasumpa'mo ka' nombee'mo haknyo hi Yakub.

Salatan anak ko ohua'nyo pinohampemo, limanyo kanyi-kanyinyit i pantigan hi Esau. Kalana aijo' ia sinanggohanmo i Yakub. I Ishak umunnyo anompulu'mo na taun tempo'nyo aha i hampe'.

I Ishak mongkalibosi hondo i Esau, kalana i Ishak mongka'ima'i mongkaan ponoha' anu o bebas. Panyo i Ribka mongkalibosi hondo i Yakub.