Popular Bible Verses from Ibarani 10

Share

Inioꞌki mengkoꞌela ka porampua menomba hibali to rowali haꞌumbora toaꞌ. Hangangaa hirampuki menomba hingkeꞌna momepokaroho laliki, pelumbuꞌna tene hinewowoꞌena alaꞌ tobahaꞌ hamboaꞌmo morue Pueꞌ hingkiꞌ mehupaꞌ.

Hangangaa momerewahiki hei momepokaroho laliki hingkeꞌna momepokarimaki ka lalinta mpololeke hei mowaliki nturusi hapo to moromiꞌ.

Hangangaa mepohinaruki nturusi pe hi Yesu, hei inioꞌki morokaꞌ mampangakuꞌ pepohinarunta pe Io, alaꞌ Pueꞌ Ala to nipoꞌohi hei hingkiꞌ mobuhoꞌi dandiNa pe ingkiꞌ.

Kehapoꞌi hapomo to hingkiꞌ mewali, hangangaa itikokei nturusi pepoꞌohimi hei sabaraꞌkei. Ipetuntuikei nturusi peleihane Pueꞌ Ala, hingkeꞌna ihuakei hapo to Nodandikikei.

Iomo horiana halali-halali, humeiki mangkododungkui Pueꞌ Ala ka lalinta mpololeke hei ka pepoꞌohinta to hamboaꞌmo bata-bata, alaꞌ lalinta Nopomangkolehimo moliu raꞌaNa hingkeꞌna tobahaꞌ kohawaꞌnamo uwaꞌ komasalaꞌte, hei wotanta niriumo hante uwai to moꞌinoto to mewali tandaꞌ koNopomangkolehinta ka dosanta.

Iomo horiana, inioꞌ ipohentekei pepoꞌohimi pe Pueꞌ, alaꞌ ane mepoꞌohikei nturusi, hingkiꞌ kodeꞌ mpololeke howonine to hingkiꞌ ihuakei.

Tohori hei tobahaꞌmo Kareba Moromiꞌ to ka Pueꞌ, angkana ane totungkai tene mowali nturusi dosa hamboaꞌmo uwaꞌ popenomba ntaniꞌna to wadi mampohawa dosanta, bateꞌna romo pehukua to makaja to mekororokaꞌi i pobutusina Pueꞌ Ala, alaꞌ toaꞌ to meꞌewa pe Io hingkiꞌ Nohuku hante api to makaja mpololeke.