Popular Bible Verses from Kolose 3

Share

Inioꞌ ipoꞌilalikei salaꞌne hangko awami, hangangaa momeꞌampunikei, hibali Pueꞌ moꞌampunimo salaꞌmi.

Hei hapo to i suruga tiꞌo to hangangaa ipekirikei. Inioꞌkei mampekiri hapo to i duniaꞌ hieꞌe.

Jama hapolu to rorumbakikei, hangangaa ijamakei ka lalimi mpololeke. Ijamakei jama tiꞌo hibalikei majama i Pueꞌ, hawaꞌi hibali pajamami i toaꞌ.

Pueꞌ Ala mampokarimakei hei moꞌuwiꞌmokei mewali toaꞌNa to Mangkolehi. Iomo hinaꞌ: hangangaa momesulungikei, hangangaa moromiꞌ lalimi haduo hei haduo, mengkaꞌiwowoikei, ipomaꞌalusuꞌkei pambiarami, hei sabaraꞌkei pe hangko awami.

Hangangaa ipoꞌilalikei mpololeke hawaꞌNe Kerisitu. Momepokaroho lalimokei hei momepoturuꞌkei motuntuni kopebahaꞌmi to ka Pueꞌ. Mampolingakei linga mpenomba, linga pepokodeꞌ hei linga ntaniꞌna to nopaꞌanikikei Inohaꞌ Mangkolehi. Ka lalimi mpololeke, molingakei hante mantiꞌi woriꞌ komoromiꞌne Pueꞌ Ala. Hapolu to iwalikei ba to ipololitakei, hangangaa iwalikei hintotoꞌ hante peleihana Pueꞌ Yesu. Hei itiꞌikei woriꞌ komoromiꞌ i Pueꞌ Ala Umoꞌta i lali konaꞌna Pueꞌ Yesu.

To paralu mpololeke, hangangaa momepokarimakei, alaꞌ ane momepokarimakei, pohintuwuꞌmi mewali maroho.

Ingkei toaꞌ to mantorimomo kotuwuꞌ to wolaꞌ, hibalikei nipotuwuꞌ huliꞌ moꞌawa hante Kerisitu. Iomo horiana hangangaa ikodokoꞌikei hapo to Nopatimomo Pueꞌ Ala i suruga pe ingkei, ikoꞌuwaꞌana Kerisitu mahura tinaꞌ i kuanana Pueꞌ Ala.

Pueꞌ Ala mowowoimokei hei mampopewalikei hawowota hingkeꞌna mohintuwuꞌkei i lali kolebaꞌ lali. Mewaliꞌ, ipokarohokei pohintuwuꞌmi hei kolebaꞌna lali to ka Kerisitu. Hei hangangaa itiꞌikei nturusi woriꞌ komoromiꞌ i Pueꞌ Ala.

Iomo hinaꞌ hangangaa ipohentekei waliami hante kotuwuꞌmi to hampiha: Inioꞌkei mohantambi ba momaꞌani deleꞌ. Inioꞌkei mowali walia to mekokomaꞌi. Inioꞌkei mowali walia tota masipatoꞌ. Inioꞌkei motuntuni peleihana lalimi to kodake. Hei hawaꞌi mampohampaꞌ luma. Alaꞌ hihimo to hawaꞌi mampohampaꞌ lumana, waliana hibalilu to menomba pe luma duniaꞌ.

Alaꞌ hibalikei toaꞌ to mahi moꞌawa hante Kerisitu, hei ihuamokei kotuwuꞌ to wolaꞌ to tewuni moꞌawa hante Kerisitu i lali Pueꞌ Ala i suruga.

Angkana hinewowoꞌena hangangaa ipohentekei lekiꞌ-lekiꞌna walia to kodake: Inioꞌkei bukota. Inioꞌkei marontaꞌ. Inioꞌkei momekabiriꞌ. Inioꞌkei mampowute lolita to hawaꞌi tuꞌu noniuꞌ i toaꞌ ntaniꞌna. Inioꞌkei mantiꞌi lolita to kodake.

Inioꞌkei mowuti pe hangko awami, alaꞌ ipohentemokei lekiꞌ-lekiꞌna walia to hibali tiꞌo. Himpolohoꞌmokei ka kotuwuꞌmi hante waliami to hampiha ikohandoaꞌami tene mepoꞌohi pe Pueꞌ Yesu. Hei hinewowoꞌena pahuamokei kotuwuꞌ to wolaꞌ, alaꞌ Pueꞌ Ala nopopewalimokei toaꞌ to wolaꞌ. Nopowolaꞌ nturusi lalimi hingkeꞌna mampetuntuikei waliaNa, hei hingkeꞌna pobahaꞌkei hapo to tuꞌu noniuꞌ Io.

Hei ingkei woꞌo tomaꞌani to hamokomo, hangangaa ipokarimakei hantambimi, inioꞌkei makasaraꞌ pe iohi.

Ingkei to oꞌanaꞌ tene, hangangaa ipetuntuikei lekiꞌ-lekiꞌna hawaꞌne tomotodimi, alaꞌ tiꞌo to nolei Pueꞌ Ala.

Ingkei towoweꞌe to hamokomo, mengkoruꞌkei pe maꞌanimi. Iomo to hintotoꞌ i toaꞌ to metuntu pe Pueꞌ.