Popular Bible Verses from ROMA 13

Share

Hulii mao̒ Eeya Isa Almasi tamolantu mai wolo umusi pohutuo limongoli. Wau diila mao̒ podudua̒ pii̒li lomanusia odusa u bo wambao̒ mopoluli hilao to napusuulio.

Diila mao̒ pobuli penu boli wolo too̒lita wambai̒o, ngopohia biloli tolia̒ngo ode ngota-timongota. Sababu tamo tolia̒ngo ngota timongotalio, malo poo̒polu ngoa̒amila butoe̒e Musa.

Timii̒du manusia mamusi modungohe to pomalenta, sababu diaaluo pomalenta udiila moo̒tapu okokawasalio monto Allahu Taa̒ala. Wau pomalenta uwoluo masaatia botie, moponao̒ okokawasalio to palenta lo Allahu Taa̒ala.

Hui mangopee̒ mopaluto; wau ngopee̒po madulahu. Oditolio, opiohelio ito mohuheli mohutu totoonulalo huhutu u moleeto. Ito musi mopo wimumuto batanganto wolo sinapangi mobaango.

Taa u motolia̒ngo taawewo, diila tamohutu u moleeto ode tau boito. Oditolio taa u motolia̒nga timongotalio yito taamalo poo̒polu ngoa̒amila danti butoo̒ lo agama.

Oditolio bayalia mao̒ to pomalenta wolo u mamusi bayalia lo Wutato ode pomalenta. Pomayali mao̒ hasili wonu Wutato musi momayali beya; wau pomayali mao̒ beya wonu Wutato musi momayali beya. Halagai mao̒ timongolio tamusi halagaalo wau hulumatia mao̒ timongolio tamusi hulumatiolo.