Popular Bible Verses from ROMA 12

Share

Diila mao̒ poduduo̒ totoonulalo dudelo lodunia botie. Hulii mao̒ Allahu Taa̒ala tamohutu mai batangamu lohihilao mowali bohu, alihu timongoli molomelo. Lou̒ odito timongoli mambo motota mao̒ u otohilaa lo Allahu Taa̒ala – deu̒ito-yito wolo umopiohe wau umoo̒ sanangi hilaa-Lio wau u wimu-wimumuto ngoa̒amilalo.

Mongo wutato! Allahu Taa̒ala mopiohe daa̒ olanto, uito sababuulio pohile lowatia lou̒ tio̒otutua alihu timongoli mopodewo batanga limongoli odelo tuwaulio lobake tutumulo utolomodu duo̒lo Allahu Taa̒ala wau moposanangi hilaa-Lio. Tabiyamu ode Allahu Taa̒ala musiilio odito.

Mamusi Wutato motiwunela to Eeya wolo wengahu, posabalilo todelomo usuusa, wau poti otutuulo modua̒.

Diila mao̒ polulia batangamu olaahe lou̒ moleeto, bo Wutato mamusi mopo olaaheo̒ u moleeto wolo umopiohe.

Mamusi Mongo wutato mototoo-lia̒anga ngota timongota wolo tataabia lohilao debo odelo tau-tauwalo tamohutato todelomo ungaalaa̒, wau wajibulio timongoli tinggai mumuuloa mongohi hulumati.

Potolia̒ngao̒ wolo ihilasi. Lonui̒ mao̒ u moleeto, wau potidihulo tou̒ wolo u mopiohe.

Monto olimongoli, potolo panilo lou̒ tio̒otutua u tumumulo dame wolo taa ngoa̒amila.

Mongo wutatuu̒! Sama-samaata diila mao̒ pomalasi niyati, hulii mao̒ Allahu Taa̒ala tamo hukuumani mai. Sababu todelomo Kitabi tulatulade, “Wau̒lo tamolontuli. Wau̒ tamamo hukuumani mai, tahuda lo Eeya.”

Potio̒lohulo mokalaja. Diila mao̒ poti lantingo. Pokalajaalo duo̒lo Eeya wolo sumangati monto Rohullah.

Allahu Taa̒ala malongohi mai ponu olaatia. Uito sababuulio watia monaseehati mai to Mongo wutato ngoa̒amilalo; diila mao̒ polaasa batanga lebe molaio̒ lou̒ otutuulio mao̒. Mamusi timongoli motiliki owowoluwoa lobatanga limongoli wolo dupadupapa lohilao; ngota-ngota motiliki mao̒ batangalio modudua̒ omambowa uilohi lo Allahu Taa̒ala olio masababu tio palacaya li Isa.

Wonu tau mohutu u moleeto olimongoli, diila mao̒ pomalasi lou̒ moleeto. Pohutua mao̒ wolo uhe anggapuo mopiohe lotaa ngoa̒amila.

Poti tumulolo wolo mopiohe wau aamani ngota timongota. Diila mao̒ poti batingga lohilao, bo potuuu̒delo batangamu wolo tadupa-dupapa huhuloa̒lio. Diila mao̒ ponganggapu batanga lebe motota wolo u otutuulio mao̒.

Bolii̒o mao̒, wonu musumu polaangolo, wohia mao̒ tio ua̒alo; wau wonu tio mototoa̒ngo, wohia mao̒ tio uilumolo. Sababu wolo mohutu mao̒ odito, Wutato mamohutu olio mowali moolito.

Pohilea mola to Allahu Taa̒ala alihu Allahu Taa̒ala mobalakati mai tau-tauwalo tahi palangia to olemu. Ooo̒, pohilea mola to Allahu Taa̒ala mobalakati mai olimongolio, diila mao̒ polaa̒nati. Poti wengahulo wolo tau-tauwalo tahi wengahe, wau pohiyongolo woli mongolio tahe hiyonga.

Tulungii mao̒ mopotuheta upalaluo lotau-tauwalo Nasara wewo wau tolimoa mao̒ mongo wutato ngoi̒imani tadiila otaawa lo Wutato, wolo hilaa sanangi todelomo bele limongoli.

To batanganto o dadaata pongawaa̒. Timii̒du pongawaa̒ tingga o kalajaalio. Odito olo wolanto. Eleponu ito ngoa̒amilalo dadaata, bo ito debo odelo batanga tuwau sababu ito tuwau woli Almasi. Wau ito ngota-ngota wuwuumbuta ngota-timongota odelo popoo-ngawaa̒alo monto batanga tuwau.