Popular Bible Verses from ROMA 14

Share

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah. Taa u momaya li Almasi lou̒ odito, tau boito moo̒sanangi hilaa lo Allahu Taa̒ala, wau hulumatio lotau-tauwalo wewo.

Wonu ito tumumulo, ito tumumulo duo̒lo Eeya. Wau wonu ito mate, ito mate olo duo̒lo Eeya. Oditolio, tumumulo meaalo mate, ito yito miliki lo Eeya.

Sababu uito patujunto mamusi laito duo̒lo susuu-aliyalo u mopotoduo mai umopiohe wau dame boli aamani wau tinggai momongu ngota timongota.

Masababu uito ito diila mowali tinggai mopotala ngota timongota. Bolii̒o mao̒ potolo panilo mola alihu timongoli diila mohutu penu boli hitua-tuawua umoo̒ sababu ngotaalio lowutato ngoi̒imani oheinga wau mowali odusa.

Todelomo Kitabi tulatulade, “Tutuulio tutu,” tahuda lo Eeya, “ngota-ngota tau mamolubo mosujudu totalu-U̒; wau timii̒du tau mamosisi deu̒ Wau̒lo Allahu Taa̒ala.” Oditolio ito ngota-ngota musi mongohi titihula tou̒ totoonulalo huhutuunto to Allahu Taa̒ala.

Taa udiila yakini tou̒ wolo upilala cayalio musi tolimoolo lou̒ mopiohe towolota lo Mongo wutato. Diila mao̒ pobuutola wolio tomimbihu totoonulalo tilihulalio.

Tatoonu Wutato tilinggula Wutato musi momutoo̒ wato lotaa wewo? Diila otaawa wato boito modehu meaalo mobongu, uito yito sua̒li li tuanilio. Wau memangi wato boito matimihula mola motulidu, sababu Eeya mambo mohutu olio timihulo motulidu.